Antza denez Windows eta Mac OS X sistema eragileetan pantaila biratzearekin irudia ere automatikoki biratzen da. Ohiko moduan, GNU/Linux erabiltzaileak beste multzo batean gaude eta, beraz, pixka bat saltseatu beharra dago aipatu efektua lortzeko.

Gakoa X.Orgen RandR (Resize and Rotate) gehigarrian dago, izenak dioen moduan pantailako irudia neurriz aldatu (monitore bat baino gehiagoko konfigurazioetarako) eta biratzeko aukera ematen baitigu. RandR gehigarria gaitzeko /etc/X11/xorg.conf fitxategia editatu behar da eta gure txartel grafikoaren atalean (Section "Device") ondorengoa gehitu:

Option      "RandRRotation" "true"

Aldaketek eragina izan dezaten X zerbitzaria berrabiarazi behar da. Falta den bakarra mahaigaina biratzea da. Nola egiten da? Pentsatzen dut GNOME eta KDE bezalako mahaigain modernoetan zuzenean hori egiteko aukeraren bat egongo dela, baina leiho kudeatzaile soil bat erabiltzen dugunok (Fluxbox kasu), komando baten laguntza behar dugu: xrandr

Hortaz, mahaigaina biratzeko:

xrandr -o left

Eta berriro jatorrizko egoerara bueltatzeko:

xrandr -o normal

Noski, hau guztia aldiro idaztea nekosoa denez, laster-tekla bana eslei diezaiokegu ekintza bakoitzari funtzionalitatearen atzipen zuzena izateko. Nahikoa da ~/.fluxbox/keys fitxategian bi lerro gehitzea:

Mod1 F11 :execCommand xrandr -o normal
Mod1 F12 :execCommand xrandr -o left

Beraz, hemendik aurrera Alt + F12 sakatuta mahaigaina biratuko da eta Alt + F11 sakatuta ohiko egoerara bueltatuko da.

Lerro hauen artetik eskerrak eman nahi nizkioke zoriondu nauen jende guztiari. Ilusioari gehitutako ufada bezala da; abentura honi ekiteko aparteko laguntza.

Bestetik, uste dut proiektuaren xehetasun gutxi duela jendeak, Pootle-en inguruan hobekuntzak egingo direla baina ezer zehatzik ez. Gainera, GSoC-ren webgunetik atzi daitekeen eskaeraren fitxan laburpen bat ikus daiteke soilik eta, noski, hori ez da nahikoa informazio. Hortaz ba, proiektuaren helburu nagusiak laburbiltzen saiatuko naiz ondorengo lerroetan.

Hitz politten artean bilduta, erabiltzailearen esperientzia hobetzea litzateke proiektuaren helburu orokorra. Xede horretarako sei (gehi bat) hobekuntza proposatu ditut:

1. Itzulpen berriak gehitzea erraztea. Gaur egun soilik sistemaren kudeatzaileak egunera ditzake itzulpenak txantiloietatik (oro har POT fitxategietatik). Nire asmoa hau hedatzea da, proiektuen arduradunek ere itzulpenak txantiloietatik eguneratzeko aukera izan dezaten.
2. Azken mugimenduen RSS jarioak. Itzulpen-fitxategiak eguneratuz gero itzultzaileak jakinaren gainean egon daitezen. Proiektu bakoitzak jario bat izango du eta beste jario orokor bat egongo da guztiak bilduko dituena.
3. Open-tran bateratzea. Itzulpen-unitate batean hitz esanguratsuak terminologia lokalean bilatzen dira ondoren erlazionatutako hitz-zerrenda bat bistaratzeko. Open-tran integratuta, emaitzak lineako zerbitzu honetatik eskuratuko dira.
4. Hirugarren hizkuntza. Zenbaitetan jendea ez da animatzen itzulpenak egitera ingelesez ongi ez dakielako. Bestetan, terminologia zalantzak tarteko, beste hizkuntza batean itzulpena nola egin den ikustea gustatuko litzaiguke. Hirugarren hizkuntza gehituta arazo hauek leuntzea bilatzen da eta dagoeneko itzulita dauden fitxategietan oinarrituko da.
5. Bilaketa funtzioa hobetu. Egungo bilatzailea nahiko sinplea da eta oso ohikoak diren kateak bilatu nahi izanez gero emaitza eskasak lortzen dira. Pootlen azken bertsioan testua indexatzeko PyLucene liburutegia erabili da, hortaz sistemaren errendimenduaren galera txikiagoa da. Bilaketa funtzioa hobetzeak bilaketaren eremua zehaztu ahal izatea ekarriko du eta emaitzak bistaratzeko modua ere aldatuko da.
6. Bikoiztutako lana ekiditea. Pootlen, zuzenean itzulpen fitxategian idatzi ordez gomendioak egiteko aukera dago. Gomendio horiek proiektuaren arduradunek onartu edo baztertzen dituzte. Baina gomendio bat egiterakoan, aurretik beste itzultzaile batek ere gomendioa egin badu zer? Alferrikako lan bikoiztua ekiditearren, itzultzaileei gomendioak ikusteko aukera eman behar zaie.
7. Itzulpenen balioztatzea bidalketa garaian. Azken puntu hau aukerazkoa da, beste hobekuntza batekin duen menpekotasuna dela eta. Erroreen detekzioa itzulpena bidaltzean egingo zen, espreski horretarako dagoen edizio funtziora joan beharrean.

Erronka latza aurrean daukadana. Nire aldetik onena ematen saiatuko naiz, baina batez ere ikasi, ondo pasa eta gozatzen. Gauzak ondo bidean, nire asmoa blogean proiektuaren aurrerapenaren berri ematea da. Hori bai, agian inglesez izango da…

Edonola ere, abentura berri baten hasiera da hau eta espero dut hasieratik bukaerara iristeko gai izatea, urratsez urrats, pixkanaka-pixkanaka.

En el mes de enero del presente año, se han formulado sendas solicitudes de información documentada por las que se solicita la remisión, por un lado, del estudio completo realizado sobre la posibilidad de aplicar soluciones de software libre cuyas conclusiones fueron aportadas en diciembre y, por otro lado, del informe económico comparativo de costes entre licencias de uso de software propietario y el uso de software libre, requerido por la moción aprobada en el mes de noviembre de 2006, ya citada.
En relación con la realización de este último informe, sin embargo, y de acuerdo con lo contemplado en el vigente el Plan de Informática y Telecomunicaciones (PIT) 2006-2009, en el año 2007 se optó por proceder a la realización de un estudio más global y ambicioso que permitiera avanzar hacia una progresiva incorporación del software libre en el Gobierno Vasco, es decir, a una evaluación de alternativas con criterios de idoneidad, racionalidad técnica y económica.

(…)

Por lo tanto, el informe económico comparativo de costes entre licencias de uso de software propietario y el uso de software libre, requerido por la moción aprobada en el mes de noviembre de 2006, puede considerarse subsumido dentro de este estudio más amplio y no circunscrito a un ejercicio determinado sino a medio plazo (cuatro años).

No obstante, sin perjuicio de garantizar el derecho de los parlamentarios a recabar información para el más efectivo cumplimiento de sus funciones y con el ánimo de preservar la confidencialidad de los datos que soportan las conclusiones de dicho estudio, se considera más conveniente, en lugar de su divulgación pública, la puesta a disposición de la parlamentaria solicitante del citado estudio a fin de que pueda consultar cuantos datos estime oportunos, con lo que se estima que se da cumplida respuesta a ambas solicitudes de información documentada.

Eta jarraian aurretik bagenekizkien hainbat datu zerrendatzera mugatzen da dokumentua.
Laburbilduz beraz, Eusko Jaurlaritzak ez dauka txosten hori publiko egiteko inolako asmorik, arrazoi gisa datuen konfidentzialtasuna jarriz.

Informatikako produktuen itzulpenaren kostua Euskal Autonomia Erkidegoko Administrazioak eta Microsoft enpresak adostu beharko badute ere, aurre-akordioetan hirurehun eta hamahiru milioi ehun mila (313.100.000,-) pezetako kostua orokorra aurreikusten da.

Kontuan izan diru-kopuru hori 1998. urteko pezetatan dagoela.
Hori laugarren puntuan. Zazpigarrenak ere ez du desperdiziorik:

Hitzarmena izenpetzen duten aldeek, beren erakundeetan, euskarazko produktuen erabilera sustatzeko konpromisoa hartzen dute. Hori horrela, eta bakoitzak egokitzat jotzen dituen neurriak kontuan, euskarazko sistema eragilea aurretik barneratuta daraman hardwarea eskuratzearen aldeko ekintzak bultzatuko dituzte.

Uste dut pixka bat ezjakina naizela: inon saltzen dute euskarazko Windowsa dakarren hardwarerik? Eusko Jaurlaritzak bere etxean euskarazko softwarea erabiltzen du?

Tira, laster gehiago, ziur…

Lankidetza Hitzarmena, Eusko Jaurlaritzaren, foru- aldundien eta Eudel-en artekoa, Microsoft-eko informatikako produktu zenbait euskarara itzultzeko eta lokalizatzeko.

Laster-marken eta historiaren Biltegia

Biltegia izango da hemendik aurrera gure laster-marka eta nabigazio-historiaren erdigunea. Bertan biltzen dira arakatu ditugun gune eta orri guztiak, baita laster-marka egin diegunak ere. Izaera dinamikoa du erabat, nabigatu ahala automatikoki eguneratzen baita Biltegiko direktorio bizien informazioa.

Interfaze eraberritu honekin oso erraza da nabigazioari dagokion informazio guztia txukun eta ordenatuta mantentzea. Laster-markak antolatzeko orduan, ohiko direktorio egituraz gain etiketak ere erabil ditzakegu orain. Historian eta laster-marketan bilaketak egiteko aukera asko findu da eta erraz bereskuratu ahal izango dugu auskalo noiz bisitatutako orri ahaztua.
Halaber, inportatze, esportatze eta babeskopia funtzioak erabat sinplifikatu dira, beraz ez dago datuak galtzeko aitzakiarik.

Biltegian informazio guztia ongi antolatuta izango dugu.

Gehigarrien kudeatzailea

Gehigarriak dira Firefox gure neurrirako aplikazioa bihurtzen duten zera txiki horiek. Askotan ordea, ez dakigu gure bizitza erraztuko luken gehigarria badagoela hor nonbait. Hesi hori gainditze aldera, kudeatzaile eraberritua AMO gehigarrien gune ofizialarekin integratuta dator, gehigarri berrien bilaketa eta instalazio urratsak erabat sinplifikatuz (Eskuratu gehigarriak panelean). Hedapen eta gaien bilaketak burutzeko aukera ematen digu, gehigarrien webgunean bertan bageunde bezala. Gainera, gomendio gisa nabarmendutako gehigarriak azalduko dira besterik ezean —agian hor egon liteke gure beharretara moldatzen dena! —.

Gure gustoko gehiarriak urrats bakarrean ditugu eskura.

Plugin-en panela ere gehitu zaio gehigarrien leiho nagusi honi, beraz aurrerantzean ez da beharrezkoa izango about:plugins idaztea Java plugina instalatuta dagoen ala ez jakiteko, adibidez.

Deskargen leihoa

Deskargen leihoa itxuraz garbiago bistaratzen da orain, erabileran ohiko sinplentasuna mantenduz. Firefox saio ezberdinen artean deskargak pausatu eta berrekiteko aukera dago gainera, beti ere zerbitzariak onartzen duen bitartean. Azpiko botoiak ezabatu eta testu-kutxa bat gehitu zaio leihoaren azpiko zatiari, deskargen artean iragaziak ezarri edo bilaketak egiteko.

Deskargen leihoak itxura garbiagoa du orain.

Deskarga bat abiaraztean, bestalde, egoera barraren eskuinaldean agertuko zaigu deskargaren egoera. Bertan klik eginez deskargen leihoa zuzenean atzitu ahal izango dugu.

Egoera-barran bistaratzen da uneko deskargaren aurrerapena

Bestelako aplikazioak

Firefoxekin batera datorren FTP bezeroak ere birfinketa txiki bezain esanguratsua jasan du. FTP zerbitzarietako fitxategi-zerrendak askoz ere polittago bistaratuko dira orain.

FTP saio bateko fitxategi-zerrendaren itxura.

Azkenik, ohiko erabiltzaileak ikusten ez dituen bi atal: about:config eta about:crashes. Lehenak konfigurazio-ezarpen aurreratuak aldatzeko balio du —finean Firefox ia guztia bertatik kontrola daiteke— eta oraingoan abisu gisa mezu bat bistaratuko digu, aldez aurretik jakin dezagun aldatzera goazenak eragin larriak izan ditzakeela. Zertan dabiltzan ez dakiten erabiltzaileak uxatzeko nahikoa.

Hutsegite-txostenen zerrenda.

Bigarren atala, about:crashes, berria da eta bertan bistaratzen dira aplikazioak denboran zehar izan dituen hutsegiteak (crashes) eta bidali diren hutsegite-txostenak (crash reports). Honetarako azpiegitura berria garatu da, batetik, hutsegiteen berri emateko Breakpad izeneko tresna Firefoxen integratuz eta, bestetik, datu hauek prozesatzeko Socorro zerbitzaria erabiliz, zehazki http://crash-stats.mozilla.com helbidean. Hau guztia aurretik erabiltzen zen kode itxiko Talkback sistemagatik ordezkatu da.